Die voormalige voorsitter van die Onafhanklike Verkiesingskommissie (OVK), Brigalia Bam, het vroeër vanjaar tydens ‘n perskonferensie gesê dat Suid-Afrika ‘n nuwe politieke stelsel benodig.

“Ek dink Suid-Afrika moet kyk na ’n gemengde stelsel waar van die mense verantwoordbaar is aan die kiesers. Nou het ons ’n ding waar mense verantwoordbaar is aan die party,” het Bam gesê.

Jan Gerber het verslag gelewer vir Netwerk24 oor Bam se toespraak by die Kaapstadse Persklub, waar sy verduidelik het waarom die president ‘n langer tydperk nodig het om verandering teweeg te bring.

Lees die artikel:

“My eie argument is dat op ’n vasteland waar ons probleme het – veral ná oorloë – het mense ’n bietjie meer tyd nodig (om dienslewering in werking te stel),” het Bam gesê.

“Ek sê aan Suid-Afrikaners: Miskien moet ons dit heroorweeg, ’n aanvoorprogram instel, miskien begin by munisipale verkiesings, want dit is waar die probleme is.”

• Volledige artikel: Netwerk24

Boekbesonderhede

• Democracy – More Than Just Elections deur Brigalia Bam
  EAN: 9780992232931
  Spoor hierdie boek met BOOK Finder op!

Hussein Solomon het onlangs op RSG se Spektrum-program gesê dat daar elke dag ten minste drie terreuraanvalle in Afrika plaasvind.

Die samesteller van Against All Odds: Opposition Political Parties in Southern Africa gesels oor die persepsie dat Islam en terreur hand-aan-hand gaan en sê dat dié geloof nog nie ’n vernuwing beleef het nie.

Solomon verwys na Martin Luther se Ninety-Five Theses wat die Protestantse Hervorming teweeggebring het en voer aan dat die Islamitiese geloof ’n Lutherse hernuwing benodig.

Luister na die potgooi:

Hussein Solomon: Islam benodig 'n Martin Luther King [ 3:16 ] Play Now | Play in Popup | Download

• Laai dit nie? Luister op RSG

Boekbesonderhede

• Against All Odds: Opposition Political Parties in Southern Africa saamgestel deur Hussein Solomon
  EAN: 9780620476003
  Spoor hierdie boek met BOOK Finder op!

“Ons is ’n verdeelde nasie. Ons sit gehurk in ons laers terwyl ons mekaar beledigings toeslinger,” skryf Justice Malala, politieke kommentator en outeur van Let Them Eat Cake.

Hy pleit by Suid-Afrikaners om te onthou dat ons saam in hierdie bootjie is: “Ons is saam in die ding en ons beter begin praat en planne in werking stel. Anders is ons in die moeilikheid. Óf ons werk saam deur die huidige onbehaaglikheid óf ons sink saam.”

Malala maan, “Ons moet ophou praat en begin dóén”. Met doen verwys hy daarna dat die landsburgers konstruktief en produktief te werk moet gaan om te verhoed dat hul eendag saam moét staan en toekyk hoe die land brand. “Hiervoor is nodig dat almal – die sakesektor, werkers, swart en wit, die regering en die burgerlike samelewing – saamkom en die sosiale kontrak herbou wat ons in 1994 gesluit het.”

Ons is ’n verdeelde nasie. Ons sit gehurk in ons laers terwyl ons mekaar beledigings toeslinger.

Die politieke deurbraak van die 1990’s is aan ’t kwyn. Die wonderbaarlike reënboognasie het verhard.

Die armes is kwaad en honger. Die rykes is bitter en skuil agter hul elektriese heinings.

Óf ons werk om die sosiale kontrak te herstel wat ons in 1994 opgetrek het, óf ons skreeu op mekaar terwyl ons land brand.

Die onrus word meer. Die politieke klas, wat so volmaak deur Nkandla versinnebeeld word, is besig om gulsig te verorber.

• Volledige artikel: Rapport

Boekbesonderhede

• Let Them Eat Cake deur Justice Malala
  EAN: 9780620448888
  Spoor hierdie boek met BOOK Finder op!

Sampie Terreblanche, skrywer van Lost in Transformation en A History of Inequality in South Africa 1652-2002, word eersdaags 80 en Martie Retief-Meiring het uitgevind dat hy nog nie naby aan uitgeskryf is nie. Hy maak eersdaags met ’n opvolgboek op Lost in Transformation klaar. Retief-Meiring skryf verder dat Terreblanche ’n “onverdrote kampvegter vir die underdog” is.

Ryk mense hou nie van Sampie Terreblanche nie. Hy hou ook nie van ryk mense nie. Dis nie persoonlik nie; hy het immers ryk vriende, en ryk mense nooi hom graag om hulle toe te spreek – al is dit dikwels tot hul eie ongemak.

• Volledige artikel: Die Burger

Boekbesonderhede

• A History of Inequality in South Africa 1652-2002 deur Sampie Terreblanche
  EAN: 9781869140229
  Spoor hierdie boek met BOOK Finder op!

• Lost in Transformation deur Sampie Terreblanche
  EAN: 9780620537254
  Spoor hierdie boek met BOOK Finder op!